太阳报文 : "百变妖虫"Storm 1/6 罗德曼 /Rodman

Gretzky9

若果话Michael Jordan系以得分征服世界，「妖虫」洛文（Dennis Rodman）就系用篮板球称霸球坛，不过七届NBA篮板王，再加五届NBA总冠军呢啲名衔，点都唔及渠老哥场外慨怪鸡行为咁具话题性，拍戏、打摔角、出自传，近年仲老远去到北韩同金正恩搞篮球外交，畀人闹爆同时又劲多人Like！ 咁有话题性慨一代球星，终于有厂商推出1/6 Action Figure，而且大玩变发同换装，就同真人一样咁有娱乐性！



「妖虫」、「变色龙」、「坏孩子」，全部都系洛文慨花朵，渠慨性格离经叛道，无视世俗眼光，偏偏上天畀佢一副能人所不能慨灵活身手及反应，令即使身高只有6呎8吋慨洛文，都可以喺高佬林立慨NBA七夺篮板王宝座。 那些年，人气极高慨渠，无论情景摆设，以及3.75"及12" Figure都出过，可惜好多都面目模糊得啖笑，收藏价值极低，相比今次Storm Collectibles唔只攞正「拉臣」推出，而且神似度极高，加上全港限量1,000套，自然更值得收藏。


变发10色有排玩

有玩过Storm昔日作品慨玩家，相信都会认同渠哋慨头雕一向唔差，今次洛文仲有超水准发挥，随盒附有两个头雕，包括Chok样及微笑Look，豹目、大鼻、厚唇等特征全部跟到足，就连耳环都有埋，够晒妖！ 幕后主脑Eddie指出，虽然黑人轮廓较深，比亚洲人易雕，但系为咗捕捉到洛文真人慨邪气及野性，事前足足花咗10个月时间监修，经过多番修改，结果当试办交到洛文手上就一剔Pass，不枉Storm全体上下慨一番苦心。 另一方面，洛文有铺染发瘾，Storm一于食住上，设计咗10款唔同颜色慨头发部件任你换，全部参考洛文慨昔日造型，套上后，发线位亦唔觉有穿崩，抵赞。


招牌服饰姣到爆

据Eddie表示，今次慨洛文Figure系以1995年球季为背景，当年洛文啱啱加盟芝加哥公牛，一举一动都比以前更受注目，衣着打扮亦更见大胆，虽然Figure方面由于欠缺NBA授权，所以冇得跟埋波衫，但系就有齐踢死兔、恤衫、牛仔裤、毛毛衫、金色紧身裤、美国国旗孖烟囱、黑超及波鞋等场外服饰Parts，净系换衫都有排你玩！ 仲嫌未够爆慨话，预订时全数付款，即送多个化妆头雕过你玩，衬埋件银色小背心，妖到冇朋友！ 窝心提示普通版只跟一个肌肉Body，订购时加多$400就有双Body，实行打孖嚟个Fashion Show。 最后提埋你，洛文Figure今日开始收订，出手要快！



零售价：HK $1,680
预订价：HK $1,580
双素体版售价：HK $1,980（只限预订）
推出日期：今年第四季（即日起接受预订）

随盒附有两个头雕，五官轮廓几可乱真，难怪洛文本人见到试办都一剔Pass。

头雕化行妆，换埋小背心，既倒胃又过瘾，有埋婚纱Look就更加爆！

踢死兔礼服都几贴身，入面件恤衫仲可以扣钮。

纹身图案一一做足，制作绝不马虎。

牛仔裤衬埋窝钉皮带，够晒Raw！

随盒有11款造型手掌，全部油晒指甲油，妖爆！

10款头发各有唔同颜色，美中不足系欠咗最经典慨哈哈笑头。

鞋款方面亦有精心制作，可惜波鞋方面冇买版权，唔系Signature Shoe。

Body系重新开发，衬番条孖烟囱就可Show肌。



＊图中为试办款式，与正式推出的版本或有若干分别。

暗夜飞龙

连拍照最差的太阳报文都能拍出这么美的图片，看来实物确实不错！

我要说一句(0) 收起回复

我要说一句

030633

呵呵  东北人表示看着文字有点吃力

我要说一句(0) 收起回复

我要说一句

gecong

价格合适准备收一盒

我要说一句(0) 收起回复

我要说一句

空中飞猪

再配一件红色的公牛队服 就更好了

我要说一句(0) 收起回复

我要说一句

搜罗单侧人

相当像~！

我要说一句(0) 收起回复

我要说一句

赵子龙

好像.就不知价如何

我要说一句(0) 收起回复

我要说一句

rqwind

这照片.....

我要说一句(0) 收起回复

我要说一句

xiaotianwa

翻译成普通话就好了

我要说一句(0) 收起回复

我要说一句

ZIP

xiaotianwa 发表于 2014-5-3 10:25
在全国性的论坛发帖能不能用普通话

这是转载香港报刊的文章

我要说一句(0) 收起回复

我要说一句